Get my banner code or make your own flash banner

انت منين؟

Sign by Danasoft - Myspace Layouts and Signs

٢٠٠٧/٠٨/١٧

قتيل آخر لكلاب الشرطه المصريه

صور قتيل جزاري الشرطة الطفل

أحدث ضحية لجزاري الشرطة عمره إتناشر سنة فقط تحذير لضعاف القلوب - الصور صادمة جدا


الوعي المصري تكشف كذب تقرير الطبيب الشرعي وكذب مساعد وزير الداخلية إياه معتاد الكذب


التقرير قال جثة الطفل محمد ممدوح ليست بها أثار تعذيب وأن محمد مات بالسكتة القلبية


ونحن نخرم عينهم بصور إصابات تعذيب محمد حروق وكسور وجروح قطعية وكهرباء في المؤخرة والخصية


الصور وصلتنا من مصادرنا بالمنصورةمع حوار مع أم القتيل الصور أخذت قبل وفاته بإتناشر ساعة وكان ما زال حيا يتأوه


أم محمد تقول ابني كان رايح القسم سليم زي الحصان ابني فتحوله جنبه في القسم الكابتن سيد بتاع المركز هو اللي واخده من هنا وكان معاه اربع مخبرين تبع قسم المنصورةقعدت أصوت في القسم قام المأمور بعته مستشفى الصدرفي مستشفى الصدر الدكتور قال لي ده عامل عمليةابني عملوله عملية في المركزالواد كله محروق وظهره مكسوروديته الجامعة قالولي دي مش عملية دي مفتوحة غلط وبعدين طردوه من المستشفى


المستشفى عرصت على المأمور بتاع المركزخدوه بعربية مخصوص ورموه على الكوبري رموه عند موقف المنصورة بتاع الدراسات كان مرمي خلصان خالص والناس الله يصلح حالهم جابوه بقاله يومين في البيت أعمل إيه يابا مانا ماليش ضهر وبعت اللي ورايا واللي قدامي ممكن ادخل السجن في اي وقت وعليا فلوس قد كده وباجري على خمسةاخوه ابراهيم ممدوح لسه في المركزخدوه علشان ما يتكلمش دول قلبهم بقى يهودي وها يعملوا في اخوه زي ما عملوا فيه كل اللي جوه في المركز بيعملوا فيهم كده ابني وابن غيري اقول ايه بس بعد ما عيالي راحوامن يوم ما جوزي مات محدش بيجري عليا واتداينت واتهانت


ده حرق كهربا سلسلة ضهره مكسوره اهه وجنبه مخروق هو فيه عمليات بتتعمل في المركزمستشفى الصدر طردوه الدكتور في الجامعة قال لي عملية رئة ايه يا حاجة دي مش عملية ده حد خابطه بحاجة يا حاجةوباقول يا رب ربنا ينتقم منهم ربنا ينتقم من الظالم ربنا ينتقم من اللي في المركز بتاع المنصورة كله ما حلتيش حاجة علشان ابيعهامعندناش حمام وبنملا المية من بره


لما انا سبته في المستشفى ومشيت طردوه قالوا طردناه علشان كان بيقطع في المراتب هو بيتحرك اصلا علشان يقطع في المراتب بيقولي التمرجية حطوني في عربية ورموني في الموقف وواحد ابن حلال ركبه عربية محلة دمنةوواحد تاني جابه بتوك توك لحد البيت جالي مرسال ابنك في مستشفى الصدررحت التمرجية قالولي ممنوع تقعدي معاه علشان هنا قسم القلب




الصور بدون علامة مائيةوندعوكم لسرقتها ونشرها في كل مكانإفضحوا الفجرة الجزارينإستقيل بقى يا فاجر أكرملك الناس كلها بتلعنك وأبو طلعة جوية ما بيتكلمش ليه وساكت هو كمان

هناك ٥ تعليقات:

غير معرف يقول...

أشكرك على مدونتك الرائعة وكم انا فعلا معجب بكل مواضيعك فى مدونتك المتميزة . وتمت إضافة مدونتك فى دليل شبكة الأوائل
على هذ الرابط
http://dalil.trytop.com/detail/317.html

Ahmed Al-Sabbagh يقول...

هو الموضوع ده حصل امتى

انا اول مرة اسمع عنه
وبصراحة مش فاهم معظم الكلام

السياق عايز يتصاغ تانى

الموضوع ده لو حقيقى المفروض مصر كلها تقف على رجل واحدة

الديب يقول...

لا حول ولا قوة الا بالله


انا لله وانا اليه راجعون

!!

غير معرف يقول...

حسبنا الله ونعم الوكيل

مستنيين موضيعك زى الاول بعد النقطاع ده
unitedhr.blogspot.com

Ahmed Al-Sabbagh يقول...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ