آه ياخى وآه ياخى
آه ياخى
وآه ياخى
بس كده لو كنا زى
ألف آه وآه ياخى
كنا جبنا الشمس من برج الأسد
واديناها للعيال
غزل البنات
يطبعوها
ع الهدوم والكراسات
يشبكوها ورد فى شعر البنات
يلضموهاعقد من شر الحسد
يضوى نوره لما يضوى فى كل حاره وكل حى
بس آه لو كنا زى
ألف آه وآه يا خى
كنا والمظلوم لو هاجم جرئ
كنا لو كان الخمينى عمنا
والمعارضه يد واحده عندنا
كنا دسنا شاهنا وامريكانه بنعلنا
وابتدينا الثوره من أوسع طريق
كان تمنتاشر يناير ف الشوارع لسه حى
بس آه لو كنا زى
آلف آه وآه ياخى
ليست هناك تعليقات:
إرسال تعليق